افضل تطبيقات بدائل الواتس اب || افضل بدائل ل حماية خصوصياتك

اهلا شباب وبنات متابعي مدونة اندرويد بالمصري منورين والله .. النهاردة هنتكلم عن  ال واتس اب وعن موضوع عمل الكثير من الضجة في العالم كله و عالم السوشيل ميديا وبالتحديد لكل مستخدمي التطبيق الأكثر استخداماً واتس اب وهوا ان سياسة و خصوصية واتساب كانت بتنص ان جميع المحادثات الموجودة في ال واتس آب كانت مشفرة بمعني انها بينك وبين الشخص الثاني فقط بس بعد التحديث الجديد ل تطبيق واتس اب المعلومات بتاعتك هتروح لطرف ثالث "الفيسبوك" بغرض استخدامها في الاستهداف والاعلانات يعني خصوصياتك واهتماماتك بشكل عام بتبقا مع شركة الواتس آب والكلام ينطبق علي واتساب بلس او الذهبي او ابو صدام او جي بي او الرفاعي او اي نسخة تخص ال واتس اب غير الرسمي.
يعني انت بتستخدم الفيسبوك و رابط بيه رقمك و اميلاتك و عاطيهم صلاحية الوصول لبياناتك واستخدامها مع طرف ثالث لتحسيين الخدمة ومعني تحسين الخدمة انه يظهرلك اعلان مناسب لأحتياجك واهتماماتك.

الفرق ان لما شركة الفيسبوك اشتريت تطبيق الواتساب ومع المستخدمين الواتساب الكتار ف اصبح جمع الداتا وبيعها مكاسب اكبر وبما ان في كذا شخص بيرفض صلاحيات الوصول للداتا واللي بيستخدموا نسخ غير ال واتس اب اعدادهم كبيره ف الشركة لازم تستفيد بانها تخليك توافق اجباريا علي ده ف حين لو انت مديلة الصلاحيات اصلا من قبل التحديث ف هو بيعمل الوضع ده من الاول الفرق ف الضجة اللي اتعملت، بعدين مش شركة زي فيسبوك اللي هتسيب كمية الداتا دي وتركز ف صورك و رسايلك بين صحابك، لكن مش هتظهر شاتاتك وارقامك الداتا اللي هما طالبينا دي هتتشفر وتروح لسيرفراتهم اللي هتعالجها ب الذكاء الاصطناعي "ذكاء اصطناعي مش ناس حقيقة وفي فرق كبير بينهم" بحيث يجيبلك اعلانات علي الحاجة اللي بتفكر تجيبها او الاهتمامات بتاعتك بشكل عام.

طريقة حماية خصوصياتك || وما هي أفضل تطبيقات بديلة ال whatsapp واتس اب

تطبيق تليجرام Telegram

و اول بديل لتطبيق الواتس من التطبيقات البديلة للواتس اب هوا التطبيق الغني عن التعريف تليجرام telegram والي ميعرفش برنامج تليجرام هوا تطبيق شبيه للواتساب وهوا ل المراسلة الفوري مجاني بديلة لل واتس اب وهيقدر يغنيك عن ال واتس آب بكل سهولة وتقدر ترسل رسائل او فيديوهات او صور ذات تشفير عالي جدا ومن وجهة نظري انه احسن تطبيق مراسلة في الفترة الحالية بسبب  العديد والكثير من التحديثات المميزاتت الي بيتلقاها التطبيق بشكل مستمر ويعتبر من ال بدائل العظيمة لل واتس آب .

رابط تحميل تطبيق تليجرام أفضل بدائل للواتس آب العادي والواتس آب بلس : Download Telegram

لمعرفة طريقة الدخول الي الرابط او اللينك اضغط هنا

تطبيق سيجنال Signal

ثاني بدائل تطبيق ال واتس اب هوا التطبيق الشهير Signal الي نصح بيه احد عباقرة العالم ايلون ماسك ويعتبر من افضل ال تطبيقات ذات التشفير العالي للرسائل ومن أفضل بدائل واتس اب ومميزاتة انه تصميمه بسيط وسريع وفيه خاصية ظبط توقيت للشات لعمل مسح تلقائي للمحادثة بعد الوقت الي انت بتحدده ومش هتحس بفرق كبيرة بينه وبين برنامج الواتس آب WhatsApp وبعد الكثير من البحث مش هتلاقي أفضل  من ال تطبيقات بديلة لتطبيق واتساب .

رابط تحميل تطبيق سيجنال بديل لتطبيق واتس اب : Download Signal

لمعرفة طريقة الدخول الي الرابط او اللينك اضغط هنا

ده كان رائي امين رغيب في حوار الـ واتس اب والصراحة كلامة مقنع ومنطقي جدا 

وده كان نهاية المقال بتاعنا ولو عندك اي استفسار متنساش تقولنا في التعليقات لان تعليقك يهمنا وشكرا

..

تحديث بتاريخ 17-1-2021 

بعد الضجة الكبيرة الي حصلت بسبب موضوع الواتساب تم ايقاف التحديث الجديد لـ سياسة الـ واتس اب وكمان الواتساب نزل الاستوري دي لكل الناس تقريبا عشان يفهمهم ان مفيش اي تجسس هيحصل وان مفيش اي معلومات الفيس هياخدها ودي الصور الي نزل عن طريق شركة الـ واتس آب

لو في اي جديد او تحديث بخصوص موضوع حظر الواتساب سوف نقوم بعمل تحديث للمقال وشكرا