تسريع الهاتف بدون تطبيقات و بدون روت للاندرويد
تسريع الهاتف بدون تطبيقات و بدون روت للاندرويد
شرح النهاردة حلو اوى وهو عن تسريع الفون الي انت ماسكه ليل نهار و مش سايب امه :''D وطبعا انت عمال تفكر هو اكيد محتاج روت وانا غبي مش بعرف اعمل روت هقولك انا اغبي منك و جبتلك طريقتين من غير روت او برامج والطرقتين اسهل من بعض
..
اول طريقه عن طريق مطورين البرامج :
اول حاجة بتخش علي الاعدادات و من الاعدادات خش علي حول الهاتف و من حول الهاتف هتنزل عند خيار Build number وهتدوس عليه من 7 ~ 8 مرات لحد ما يجبلك رسالة ان وضع المطورين اتفعل عند علي الجهاز
بعد كدا تطلع هتلاقي خيار Developer option وضع المطورين ظهر فجاه عادى متخفش D'': بعدها تخش عليه هتفعله من فوق علي اليمين وبعد كدا تنزل عند 3 خيارت دول Window animation scale Transition animation scale Animator duration scale هتخليهم كلهم ×25. ولو ملقتش 25. اعملهم علي ×5.0
و جهازك هيبقا سريع جدا وهيشتغل معاك بسلاسه وتقدر تجرب وتشوف ده بوضوع وانت بتفتح اي تطبيق ودى كانت اول طريقة
نخش علي تاني طريقه عن طريق التعديل علي سرعه النظام :
اول حاجة بتفتح لوحه الاتصال زى كانك هتتصل بي حبيبتك وهتكتب الكود ده #9900#* " نجمه , شباك , تسعه , تسعه , زيرو , زيرو , شباك "
هيفتحلك قايمه فيها حاجات كتير انا مش فاهمها
متلعبش فيها عشان كل الاعدادات دي تخص النظام و هتنزل تحت عند خيار Debug level Disabled و تدوس عليه
و هتختار Mid و هتلاقي جهازك عمل اعادة تشغيل تلقائي
و جهاز باذن الله هيبقا سريع
بس بلاش تعمله علي High هو جهازك هيبقا سريع جدا بس هيسخن و البطاريه هتخلص بسرعة فا احسنلك تختار Mid
وده فيديو عن المقال لو حبيت تحتفظ فيه وتقرا الكلام ده تاني عشان متنسهوش وفي الفيديو مصور كل حاجة مكتوبة فوق تقدر تبص بصه عليه
..
ده نهايه شرحنا لو عجبك اعمله شير ومتنساش ان تعليقك يهمنا وشكرا
.
.
#TonyRoid
